Desde hai uns anos, compoñentes do equipo web da nosa Parroquia, son convidados á Festa do Patrón de Gondulfe, San Lourenzo, o 10 de agosto, polo amigo de esta Parroquia, e tamén escritor, Xulio L. Valcárcel, localidade onde naceu a sua nai Hilda Valcárcel, sendo considerado un veciño mais ainda que a día de hoxe resida na cidade da Coruña.
Esta festa ten enorme arraigo na poboación, cada vez mais escasa, de este fermoso lugar. Hai anos, como en todas as aldeas galegas, despois da Misa e Procesión cos Santos, incluido San Lourenzo, as familias reuníanse nos seus fogares nun xantar cos familiares e amigos. Pero como cada vez era menor a xente radicada no lugar de Gondulfe, un grupo de veciños, liderados polo Sr. Cura. D. Xosé e mais Juan Manuel, decidiron celebrar o xantar de forma comunitaria na carballeira do Juan, e dese xeito liberar ás cociñeiras do traballo na casa, podendo asistiren as celebracións e verse co resto dos veciños, principalmente cos ausentes, que cada verán volven a sua orixe, podendo así compartir saúdos e momentos vividos ao longo do ano desde agosto do ano anterrior.
Este xeito de facer festa serviu para establecer lazos de unión e colaboración entre os veciños, ainda mais fortes despois da maldita Pandemia. Co esforzo de todos, acadouse restaurar a casa reitoral en ruinas, e tamén con algunha axuda oficial, pouco a pouco fóronse levantando as ruinosas paredes e restaurando o interior cuns humildes salóns, cociña e baño para uso e disfrute da veciñanza. Celebracións como o Magosto, o cocido do Antroido e o San Xoan, son algunhas das xuntanzas feitas neste emblemático edificio que foi comprado ao Obispado de Lugo e pasou a ser propiedade dos veciños.
Nesta segunda etapa retomaron con gran forza e entusiasmo a iniciativa e realización de todos os eventos, a Dra. Julia, médico en Taboada e veciña de Gondulfe, Mar, a farmaceutica de Taboada, tamen natural desta Parroquia, e Juan Manuel Sobrado, natural e residente en San Lourenzo, que xunto cos seus familiares e amigos traballan arreo para servir e manter as celebracións.
Neste último xantar tamén queremos destacar a axuda de Belén e Conchita, que foron peóns fundamentais, xunto con Julia, Mar e Juan Manuel.
Nosos lectores estarán pensando que fai esta noticia na nosa web. Isto e debido a profunda amizade de Xulio e a sua nai, Hilda, con algún redactor da nosa web e con Don Severino, noso Párroco e actual Vicario Episcopal da Coruña, de tal xeito que antes da Pandemia foi o Sacerdote, xunto co Párroco e outros da Comarca, que presidiu e celebrou a Misa Solemne na honra de San Lurenzo, ademais de coincidir nas Peregrinacións a Lourdes ca Diócese de Lugo, coincidindo, entre outros, con D. Jose e Julia.
Desde estas humildes páxinas desexamos todo o mellor para esta Parroquia amiga, e que o ánimo non falte para seguir facendo Parroquia con estas celebracións comunitarias.
Para que os nosos seguidores se fagan unha idea do comentado anteriormente, invitámolos a ollar o vídeo inferior.
————————————————————————————————————————————————————————————
El anterior contenido fue publicado en: